top of page

Sapne : GORE YA KAALE ? |

Ek samay ki baat hai ,

Ajab gaanv tha naam DHANAK

Khoob lagaate sab tilak

Sunder kathaa usski badi niraali

Lekin kunthit thi wahan ki pranaali..


Aaiye sunein usske naam ka raaz

DHANAK ka jaanein hum itihaas


Bahut puraani baat hai. , KATUVAN naam ka ek gaanv rajya KAANAN me basaa hua tha . Wahan ke log bahut dhani toh nahi the lekin haan kaafi mehnati zaroor the . KATUVAN ke aas pass kaafi hariyaali bhi thi . Wahan se kuch 20 km door ek pahaad bhi tha jahaan se suryoday aur suryaast kaafi manmohak drishya ko janam dete the . Thand ke mausam mein toh uss pahaad pe jaane ka matlab hota tha sundar chaand taaron ke neeche hona .


KATUVAN ki ye saari baton ko sochte hue KRISHNA jab apne maata pita aur bahan ROSHINI ke saath apni dadi ke ghar KATUVAN apni sardi ki chuttiyon me pahunchi toh ussne ek lambi saans li .Wahan ussne ek taange waale ko dekhaa toh ankhein chamak gayii .

KRISHNA ne ROSHNI ki taraf dekhaa aur usski taraf jhukar kahaa

KRISHNA ~ (fusfusaate hue)

Suno ROSHNI meri baat dhyaan se

Door wahan taange waalaa hai

Tanga usska sbse alaa hai

Usse kehna yahan toh aae

Jhat humein ghar pahunchaae .


ROSHNI se itna kehkar KRISHNA apne maa pita se taange pe ghar jaane ka kehne lagi. Uske maa papa maan gaye kyuki sheher me ye saari cheezein dekhne ko nahi milte the. Bahut der intezaar karne ke baad jab ROSHNI khaali haath lauti toh KRISHNA ne use poocha jispe ussne bataaya ki taange waala ye bolkar saath nhi aaya ki ROSHNI ka rang kala hai . Ye baat sunkar KRISHNA samajh nahi payi . ROSHNI ka ladakpan samajh kar wo tanga waale ke pass gayi aur jaakar use chalne ko kahha taanga wala jhat maan gayaa. KRISHNA ko lagaa sach me ROSHNI ki galatfehmi thi koi .


Jab wo log ghar pahunche toh usski dadi bahar nikal kar aai. Unhone KRISHNA ko gale lagaaya lekin ROSHNI ko ajeeb tarah se dekh kar KRISHNA ka haath pakad kar use andar le gayi. Itne me ROSHNI tange waale ka kiraaya lekar use dene gayi toh taange waale ne use ajeeb tarah se dekhaa aur bina paise liye chalaa gayaa.


KRISHNA aur ROSHNI do behnein thi jo ek doosre se bahut pyar krti thi . KRISHNA 17 saal ki thi aur ROSHNI 10 saal ki thi. Haalanki ROSHNI choti thi lekin kaafi samajhdaar thi . Waise toh dono ladkiyaan kaafi sundar thi lekin KRISHNA thodi gori thi aur ROSHNI ka rang thoda sanwlaa tha. Lekin unke maa baap kabhi dono behnon mein bhed bhaav nahi karte the. ROSHNI bhale hi ye sb kisi ko nhi bta rhi thi lekin KRISHNA ko kuch toh galat lag rahaa tha.



Yahan KATUVAN me shaam hui aur aur sabne nashta kiya lekin KRISHNA ek baat gaur kar rahi thi ki ROSHNI ko usski dadi wo pyar nahi kar rahi jo KRISHNA ko kar rahi thi. Khair wo chup rahi. Agle din KRISHNA aur ROSHNI aur usski dadi sab ghummne gaye. Baazar jaake usski dadi ne KRISHNA ko rang birange kapde dilaae aur ROSHNI ko ek chota sa kapde ka tukdaa kharid diya. ROSHNI rone waali thi toh KRISHNA ne use aopne kapdo me se ek Jodi kapde nikaal kr diyaa toh uski dadi ne KRISHNA ko ek thhappad mara aur kahaa ~ KRISHNA ussko mt de wo kaali hai. YE sunkar ROSHNI chup ho gayi aur KRISHNA bhi shaant ho gayi . Dono ghar pahunchi aur dono ne ye baat apne maata-pita ko bataayi. Dono ne jab unki dadi se poocha toh unhone kahaa jo kaala hota hai agar wo kisiko chu de toh wo gandaa ho jaega. Un sabko ye baat bahut atpati lagi lekin sab chup rahe .


KRISHNA ke mann me ye baat baith gayi aur wo sochne lagii sab aise kyu karte hain. ROSHNI so chuki thi toh KRISHNA chupke se uthi aur ganv ke sair karne nikal gayi. Sabse pehle wp mandir gayi. Wahan ussne dekhaa ki log ek gaay ki pooja kar rahe hain. Wo unke pass jaakr boli ~Aaplog ye kya kar rahe hain? Un logon ne jawaab diyaa ~ Hum bss iss gaay ko chaara khilaa rahe hain taaki humara dosh katt jaae. Ye sunkar KRISHNA ne kuch dekha aur ussne unki ek tasveer leli. Usske baad wo aage badhi jahan ussne dekha log kuye se paani nikaal rahe hain. Ussne fir kuch dekha ayur unki ek tasveer leli. Usske baad wo thoda aur aage badhi aur ussne dekha log mitti ke chulhe pe khana banaa rahe hain . Ussne firse kuch dekha aur ek tasveer leli. Aise karte karte ussne 7-8 tasveerein li . Fir wo bazaar gayi. Wahan ussne dekha ek vyapaari til ka vyaapaar kar raha thaa.

KRISHNA ~ Kaka aap ye kis bhaav me bech rahe hain?

VYAAPAARI ~ Bitiya ye 250 rupaye ka 1 kilo hai.

KRISHNA ~ Kaka ek paav de dijiye

VYAAPAARI ~ Ye lo bitiya

Usne til lete hue uss vyapaari ki bhi tasveer li. Aise karte hue wo ek aadmi se takraayi aur ussne dekha wo keh rahaa thaa Pta nahi ye kale log saans bhi kyu lete hain. Bahut sochkar wo wahan baith gayi aur ussne ek admi se baat cheet ki jisse use ptaa chalaa bahut saare log uss ganv ke jo kale hain log unhe achut samajhte hain. Issliye us ganv me koi bhi kalaa insaan ghulaami kartaa hai aur saare gore log raaj karte hain. Bahut kuch soch vichar kar KRISHNA apne ghar chalii gayi.

Agle din jab KRISHNA uthi toh ussne dekhaa gaanv me ek melaa lagne wala hai. KRISHNA ko ek yukti soojhi aur ussne uss mele pe jaane ke liye ek taangaa bulwaa liya. Wahan pahunch kar ussne sabko ikkattha kiya aur kehne lagi ~ Jis kisi ke baal kale na hon wo aage aae Ek bhi aadmi nahi aaya. Fir ussne zor ki aawaaz lagaai aur door ek taangaa waala aaya . Usske pass ek ghoda tha jp kaala tha. KRISHNA ne sabse kahaa~ Aap sab jo namak khaate hain wo yahi ghoda uthaakar laata hai . Kya aapsab beemaar hain? Sab log chup ho gaye . Fir KRISHNA ne apni dadi se kahaa ~Aap jo til apne ishwar ko chadhaati hain wo bhi kaala. Yahan tak ki aapke ishwar krishn bhi kale hain. Aap unki pooja kyu karti hain? Usski dadi bhi chup ho gayi. Usske baad KRISHNA ne uss jode se kahaa ~ Aap log kal jis kuye se paani bharr rahe the shayad wo kuaan bhi kaala hai. Kya uss paani se aapki jaan chali gayi?Sab shaant ho gaye. Fir usne door khade ek aadmi se kahaa~Aap jiss chulhe parr khana pakaate hain ussme lagaa koyla bhi kaala hai. Kya aapne khana khaa na chhor diya? Sab taraf sannata tha tabhi unki DADI saamne ai aur boli ~ KRISHNA aur ROSHNI dono hi meri betiyaana hain aur maze ki baat ye hai ki dono ke rang ke pratiroop dono ka naam hai. KRISHNA ka mtlb kaala aur ROSHNI ka mtlb ujaala. Jab duniya me insaano ke roop unke naam unka sabkuch bhinn hai toh utna rang bhi alag hota hai lekin insann k asli pehchan uske gun se hoti hai . Itna kehkar unhone dono ko gale lagaa liya.


Ye sab ke baad raat hui aur KRISHNA ne sabse aasmaan ki taraf dekhne ko kahaa. Sabne upper ki taraf dekha aur tab KRISHNA ne unse kahaa ~ Jis aassmaan ke neeche aap khade hain wo aasmaan bhi kala hai. Agar ishwar ne bhed bhaav nahi kiyaa toh aap sab kyu karte hain? KRISHNA ki baton ko sunkr sab aage aae aur itne me ek boodha vyakti saamne aakr bola ~

Praant jahaan rab ka ho vass

Jahan manu ko hua ehsaas

Bacche bade nadi ya naale ho

Sab jag me matvaale ho

Jahaan gore kale kaa bhed na ho

Uss indradhanushi gaanv ka naam DHANAK ho.

Sab ki ankhein namm thi. Lg gore kale ka bhed bhaav tkhatm kar chuke the. Aur sab khush the ki aaj KATUVAN DHANAK bann chukaa tha.


Toh kuch aisa tha DHANAK matlab KATUVAN ka itihaas. Ye gore kale ki bediyaan aaj bhi maujood hain. To aaiye hum sab milkar ye bediyaan todein.

Ishwar ka jab saaya ho

Dhoop ho chaaya ho

Ye gore kale ek samaan hain

Kyuki sab me hum insaan hain.


MORAL~ Insaan jaisaa bhi ho wo hota insaan hi hai issliye kabhi kisiko gore ya kale me baant kar unme bhedbhav mt karo.


Manisha Kumari

Guidelines for the competition : https://www.fanatixxpublication.com/write-o-mania-2023

6 views0 comments

Related Posts

See All

Comments

Rated 0 out of 5 stars.
No ratings yet

Add a rating

WHEN ARE YOU STARTING YOUR JOURNEY?

Check Out our Plans and Publish Your Book Today

Featured Books

bottom of page